Жарлыктар жана Буйруктар

28 – январь 2010 жыл

Аскалиев Айтбай Жумгал райондук сотунун төрагасынын жана жергиликтүү соттун судьясынын кызмат орундарынан мөөнөтүнөн мурда бошотулду

Кыргыз Республикасынын Конституциясынын 46-беренесинин 2-пунктунун 3-пунктчасына, 84-беренесинин 1-пунктуна, «Кыргыз Республикасынын судьяларынын статусу жөнүндө» Кыргыз Республикасынын конституциялык Мыйзамынын 26-беренесинин 2-пунктунун 6-пунктчасына ылайык Аскалиев Айтбай Жумамүдүнович Нарын облусунун Жумгал райондук сотунун төрагасынын жана Кыргыз Республикасынын жергиликтүү сотунун судьясынын кызмат орундарынан мөөнөтүнөн мурда бошотулду.

Маалымат: мурда Аскалиев Айтбай Жумамүдүнович Кыргыз Республикасынын Президентинин 2009-жылдын 28-январындагы № 85 Жарлыгы менен аны айыпкер катары жазык жоопкерчилигине тартууга байланыштуу Нарын облусунун Жумгал райондук сотунун төрагасынын кызматынан четтетилген. Соттун мыйзамдуу күчүнө кирген 2010-жылдын 23-январындагы айыптоо өкүмүнүн негизинде Кыргыз Республикасынын Сот адилеттик иштери боюнча улуттук кеңеши мамлекет башчысына аны ээлеген кызматынан бошотуу жөнүндө сунуш киргизди.

«Кыргыз Республикасынын судьяларынын статусу жөнүндө» Кыргыз Республикасынын конституциялык Мыйзамына ылайык Кыргыз Республикасынын Сот адилеттик иштери боюнча улуттук кеңеши Кыргыз Республикасынын Президентине Кыргыз Республикасынын жергиликтүү сотторунун төрагаларынын, судьяларынын ваканттык кызмат орундарына талапкерлерди дайындоого сунуштарды, судьяларды которуу (ротациялоо) жөнүндө, жергиликтүү соттордун судьяларын кызматынан мөөнөтүнөн мурда бошотуу жана четтетүү жөнүндө сунуштарды киргизет.

басып чыгаруу үчүн вариант