Куттуктоолор

6 – январь 2010 жыл

Кыргыз Республикасынын Президенти Курманбек Бакиевдин Рождество Христово майрамы менен куттуктоосу

 

Ардактуу мекендештер!

Урматтуу  православ христиандар!

Сиздерди  христиандардын майрамы — Рождество күнү  менен   чын дилимден куттуктайм! Жаркын  Рождество Христово күнү  нукура элдик майрамдардын бири болуп,  арзуулуктун, ак ниеттүүлүктүн, адамгерчиликтин жана мээрмандыктын көөнөрбөс  символу катары кызмат кылат, бардык элдерди  ынтымакка чакыруу  идеясын камтыйт.

Кыргызстанда  өлкөбүз үчүн салттуу болгон бардык  диндердин өкүлдөрүнүн ортосунда  жакшы санаалаштык мамиле өкүм сүргөнү кубандырат. Бул  коомдогу өз ара түшүнүшүүгө, тынчтыкты, ынтымакты, туруктуулукту   сактоого жана бекемдөөгө өбөлгө түзөт.

Биз  руханий ынтымакты мындан ары да бекемдеп, бул улуу  салтты  келечек муундарга  өткөрүп бере алсак, көп тилектер ордунан чыгат!

Урматтуу  православ христиандар!

Рождество Христово майрамы алдыдагы  2010-жылы биздин үмүттөрүбүздү жана пландарыбызды жүзөгө ашыруу үчүн бизге күч-кубат берсин!

Бардыгыңыздарга  жана үй-бүлөңүздөргө чын дилимден бекем ден соолук, бакты-таалай, тынчтык  жана жакшылык каалайм!


басып чыгаруу үчүн вариант